URRIAK 30-AZAROAK 1 // 30 OCTUBRE - 1 NOVIEMBRE

Hemos tenido un poco de todo este fin de semana: playa de Zarautz, paseos, aperitivos, charla, ambiente de Hallowen, pelis y risas,.. 

Ostirala: Ostiralean Villa Marin elkartu ginen guztiok, asteburu zoragarri bat elkarrekin pasatzeko ilusioz eta gogoz. Eta, egia esan, hasieratik argi ikusi genuen egun politak genituela aurretik! Maletak desegin ondoren, egongelan elkartu ginen asteburuko planak antolatzeko. Ideia eta proposamen ugari atera ziren, eta giro ezin hobean hasi ginen asteburua prestatzen. Ondoren, lehen afaria elkarrekin egin genuen, eta, afalostean, film bat ikusten aritu ginen, oheratzeko ordua iritsi zen arte.

Larunbata: Larunbat goizean, etxeko eginkizunak bete ondoren, furgoneta hartu eta Zarautzera abiatu ginen. Bertan, hondartzaren inguruan paseotxo eder bat eman genuen, eguraldi zoragarriaz eta itsasoko bistaz gozatuz. Eguzkiak laguntzen zuenez, hondartzaren aurrean dagoen taberna batean geldialditxo bat egitea erabaki genuen, pote bat hartzeko. Ba al dago plan hoberik? Eguraldi ederra, hondartza aurrean, pote bat esku artean eta lagunarte ona! Une horiek dira, zalantzarik gabe, gehien gozatzen diren horietakoak. Indarrak berrituta, Zarauzko kaleetan barrena ibili ginen, herriko giroaz gozatzen. Paseotxoa amaituta, Villa Marira itzuli ginen bazkaltzera.

Bazkaldu ondoren, atseden pixka bat hartu eta Donostitik irten ginen, Halloween eguneko giroaz gozatzeko asmoz. Ospakizunean bete-betean murgiltzeko, txapel batzuk ere erosi genituen, egunari ukitu dibertigarriagoa emateko! Donostiako giroaz gozatu ondoren, azken pote bat hartzeko geldialdia egin genuen, eta, eguna borobiltzeko, Villa Marira itzuli ginen afaltzera eta merezitako atsedenaz gozatzera.

Igandea: Asteburuko azken eguna ere ahalik eta gehien aprobetxatu nahi genuen, eta, etxeko eginkizunak bete ondoren, furgoneta hartu eta Hondarribira joatea erabaki genuen. Herrian zehar paseotxo eder bat eman genuen, bertako txokoak eta giroaz gozatzeko. Eguraldiak eta giro onak lagunduta, pote bat hartzera ere gelditu ginen. Lasai-lasai, berriketan eta elkarrekin une atseginak partekatzen aritu ginen.

Giro ederrean egon ondoren, Villa Marira itzuli ginen asteburuko azken bazkaria egitera. Bazkalostean, atseden pixka bat hartu genuen, eta film bat jartzea erabaki genuen. Filma ikusten genuen bitartean, asteburuan bizitako pasadizoak, une dibertigarriak eta egindako planak gogoratzen aritu ginen. Barre batzuk ere egin genituen, noski! Eta horrela iritsi da asteburu honen amaiera. Laister arte!