URTARRILAK 9-11 ENERO

Kaixo, este ha sido el primer fin de semana del año en Villa Mari...El sábado no nos desanimamos pese al mal tiempo y la furgoneta estropeada; paseamos por Sagues y nos encontramos con algún ensayo de tamborrada. Por la tarde fuimos en autobús a San Pedro y visitamos una exposición de arte. El domingo nos fuimos en tren hasta Hernani y pudimos disfrutar de los rayos del sol y el monte. Por la tarde, un poco de relax hasta la hora de irnos. ¡Hasta pronto!

OSTIRALA. Villa Marira iritsi eta eroso jarri gara, kaleko eguraldi kaskarretik ihesi, etxean goxo-goxo egoteko. Bertan, elkar aurkeztu eta asteburuan zehar egin nahi ditugun planak komentatu ditugu. Afaldu ostean, pelikula bat jarri eta pixkanaka oheratzen joan gara.

LARUNBATA. Presarik gabe hasi dugu eguna, poliki eta gustora gosalduz. Ondoren, prest egoterakoan, Sagues eta Grosetik bueltatxo bat ematera joan gara, itsasoko olatu biziak ikustera. Eguraldia lagun izan dugu gainera, euriak kafetegi batera sartu berri ginela harrapatu gaituelako. Bertan pintxo eta edari beroak gozatu eta gero, Villa Marirako bidea hartu degu berriz, Gabonetako zuhaitza eta jaiotza jasotzeko gogoz. Lanak amaituta, bazkaldu eta atseden hartzeko astia izan dugu, eta arratsaldez martxan jarri gara berriz, Pasaiara joateko planarekin. Busak San Pedron utzi gaitu, aterkien babespean herritik paseotxo bat emateko. Asko gomendatu diguten erakusketa bat ikustera joan gara hara, jakin bagenekielako Pasaiako Udal aretoa apaintzen zuten margolanen egileetako asko gure kideak zirela. Eta izugarri pila gustatu zaizkigu haien obrak! Oso gustora ibili gara handikan, eta beste potetxo bat hartu ostean itzulerako busa hartu dugu Villa Marira, afari goxo batekin eta beste pelikulatxo batekin eguna borobiltzeko.

IGANDEA. Gaur atzo baina are presa gutxiagorekin esnatu gara, eguna patxadaz hasteak ematen duen plazerrarekin. Eta behin gosalduta eta martxa hartuta, Hernanirako trena hartzera joan gara, eguraldi paregabearekin. Bertan sagardotegien bidetik oinez aritu gara, hankak nekatu eta taberna batean aperitiboa hartzera joan garen arte. Ongi aprobetxatu dugu zeruak eskaini digun aukera! Gero trena berriz hartu eta Villa Marin bazkaltzera itzuli gera. Bazkaltzen, denok bat gentozen asteburu bikaina pasa dugula komentatu dugunean. Baina asteburua amaitzear zenez, maletak egin eta gelak txukuntzea tokatu zaigu, azkenekoz ohean edo egongelako sofatan bota aurretik. Horrela, pixkanaka joaten hasteko ordua iritsi zaigu, eta banan-bana hurrenera arteko agurra eman diogu elkarri.

URTARRILAK 9-11 ENERO (EIBAR)

Ostiralean denak elkartu, Lide eta Naroa ezagutu eta pote bat hartzera joan ginen asteburuari hasiera emateko. Asteburua planifikatu genuen eta goiz joan ginen ohera aste guztian lana egin eta gero nekatuta zeudelako. 

Larunbat goizean, gosaldu, dutxatu eta Ermuara topoan jaon ginen furgonetaren bila. Euri mordo bat egiten zuen eta zertxobait hoztu ginenez, kafe bero bat hartu genuen, patata eta azeituna batzuen laguntzarekin. Furgoneta hartu eta Eibarera bueltatu ginen. Arratsaldean, Lasarteko bolerara abitu ginen boloetako partida bat egiteko gogo askorekin, baina ez genuen zorte asko izan, dirudienez, Gipuzkoako pertsona guztiak guk bezala pentsatu zutelako eta bolerara iristean gure aurretik 100 pertsona zeudela esan zigutenean, bertako jokuetan jolastu ginen. Nahiz eta boloetan ez ibili, oso ondo pasa genuen bertako makinetan jolasten. 

Igande goizean Elgoibar aldera joan gara eta ondoren berriro Ermuara furgoneta bertan uztera. Lorentzo atera da eta paseatzeko aukera izan dugu, Ermuako presa ezagutu dugu, pena gaur hotz egiten duela, bestela batenbat animatuko litzake sartu-atera bat egitera. Tripa betetzeko, kroketa eta patata batzuk eskatu ditugu, bazkaldu, siesta eta pelikula bat ikusiz asteburuari amaiera eman diogu. A ze ondo pasa dugun, hurren arte!!

ABENDUAK 19-21 DICIEMBRE

Ostirala. Iritsi ginen eta, aspaldian elkar ikusten ez ginenez, ohiturak agintzen duen bezala, denbora ederra eman genuen elkarri azken berriak kontatzen eta astebururako planak egiten. Afaldu genuen lasai-lasai eta, giroan sartzeko, Gabonetako film bat ikusi genuen. Hala ere, aste osoaren nekea nagusitu zen, eta goiz joan ginen ohera.

Larunbata. Goiz jaiki eta furgonetarekin Tolosara abiatu ginen Gabonetako azoka bisitatzera. Postu batean tarta goxo bat erosi genuen, Gabonetako giroan paseatzeak gosea pizten baitu beti. Erosketak egin ondoren, geldialdi estrategikoa egin genuen pote bat eta kroketatxo bat hartzeko; izan ere, gosaria urrun geratzen zen eta hainbeste bueltak gosea ematen du. Azoka pixka bat gehiago ikusi ondoren, helburua beteta, etxera bueltatu ginen.

Bazkaldu eta siesta eder bat egin genuen, nekea nabarmena baitzen. Indarrak berreskuratuta, Atzegiko futbol taldea animatzera joan ginen, merienda on batekin lagunduta, animatzeak ere gosea ematen duelako. Amaieran, etxera itzuli eta gabonetako zuhaitza eta jaiotza jartzen hasi ginen, laster Olentzero etorriko baita. Afaldu, eta Gabonetako giro betean murgilduta, beste film bat ikusi genuen ohera joan aurretik.

Igandea. Lasai jaiki ginen eta Santo Tomas eguna ospatzeko prestatu ginen. Baserritar jantzia soinean, postuetara joan ginen txistorra talo bat eta pote bat hartzera, tradizioak agintzen duen bezala. Etxera bueltatu, bazkaldu, eta  azken siesta bat egin genuen. Azkenik, agurtu egin ginen, elkarri jai zoriontsuak opa genizkion, eta bakoitza bere etxera joan zen, bihotza eta sabela beteta.

Viernes. Llegamos y, como manda la tradición cuando hace tiempo que no nos vemos, dedicamos un buen rato a ponernos al día y a planificar qué hacer durante el fin de semana. Cenamos tranquilamente y, para entrar en ambiente, vemos una película navideña. Sin embargo, el cansancio acumulado de toda la semana gana la batalla, así que nos vamos pronto a la cama, muy responsables y poco fiesteros.

Sábado. Nos despertamos temprano y partimos en la furgoneta rumbo a Tolosa para visitar el mercado navideño. Aprovechamos la ocasión para comprar una tarta deliciosa en uno de los puestos, porque pasear con espíritu navideño abre el apetito. Tras las compras, hacemos una parada estratégica para tomar un pote y una croquetilla, ya que el desayuno queda muy lejos y el paseo no perdona. Seguimos recorriendo el mercadillo y, con la misión cumplida, regresamos a casa.

Comemos y nos concedemos una merecidísima siesta. Ya con las pilas cargadas, nos dirigimos a animar al equipo de fútbol de Atzegi, bien acompañados de una merienda, porque animar también da hambre. Al terminar, volvemos a casa y decoramos, ya que dentro de poco llega el Olentzero. Cenamos y, totalmente inmersos en el ambiente navideño, vemos otra película acorde a la ocasión antes de irnos a dormir.

Domingo. Nos despertamos con calma y nos preparamos para celebrar el día de Santo Tomás. Vestidos de caxeritos, salimos a los puestos para disfrutar de un talo de txistorra y un pote, como manda la tradición. Regresamos a casa, comemos y, dado el cansancio acumulado del intenso fin de semana, nos echamos una última siesta. Finalmente, nos despedimos y nos deseamos felices fiestas.

ABENDUAK 12-14 DICIEMBRE

Planazos este fin de semana: Hondarribi, Teatro en Irun y Zumaia,...!

Azkenik iritsi da horren gustuko dugun eguna: Villa Marira joateko eguna. Bazen garaia! Poz-pozik elkartu gara guztiok, asteburu ederra elkarrekin pasatzeko gogoz. Iritsi bezain azkar, maletak desegin ditugu eta saloian elkartu gara elkar hobeto ezagutzeko eta asteburuko planak elkarrekin antolatzeko. Ideia polit asko atera dira, baina oraingoz ez dizuegu dena kontatuko. Ondoren, giro onean afaldu dugu eta telebista ikusten egon gara, lasai-lasai, ohera joan arte.

Larunbata. Goizean esnatu, pertsianak igo eta eguraldi bikaina! Hori ikusita, dutxatu, gosaldu eta furgonetan Hondarribira abiatu gara. Bertan, paseotxo ederra eman dugu eta Gabonetako azoka ikusi dugu. Zenbat gauza polit! Gero, pote bat hartu dugu portuan; zein herri ederra den Hondarribia. Bazkaltzeko ordua iritsi denean, Villa Marira itzuli gara. Bazkaldu, pixka bat deskantsatu, eta arratsaldea ondo aprobetxatzeko beste plan zoragarri bat egin dugu. Irunera joan gara antzerkia ikustera, eta ez edozein emanaldi gainera: Ezezagunok taldearen emanaldia. Asko gustatu zaigu eta primeran pasa dugu. Gainera, Gabonetako argiak ere ikusi ditugu. Eguna bukatzeko, Villa Marira bueltatu, afaldu eta pelikula bat ikusi dugu denok elkarrekin.

Igandea. Asteburuko azken eguna ere ondo aprobetxatu nahi izan dugu. Goizeko errutinak egin ondoren, Zumaraira joan gara furgonetan. Eguzkia lagun, paseo ederra eman dugu eta ondoren pote bat hartu dugu. Han jan ditugun patata-tortilla pintxoak, bikainak! Amaitzeko, azken bazkaria egin dugu eta arratsaldean saloian elkartu gara, berriketan eta telebista ikusiz.

Asteburua oso azkar pasatzen da lagun artean zaudenean, eta are gehiago horrelako plan politak egiten direnean. Ea hurrengo egonaldia azkar etortzen den. Zaindu, eta laster arte!