Menudo tiempazo que hemos tenido este fin de semana. Aprovechamos para dar buenos paseos por el campo y por la costa. El domingo vamos a la feria medieval de Hernani y por la tarde nos quedamos en Villa Mari disfrutando de una película y una rica merienda.
LARUNBATA. Goizean lasaitasunez jeiki gara, ondo deskantsatuta, gosaldu eta furgoneta hartuta Oiartzun aldera joan gara, Arditurriko bide berdeetara. Han paseotxo bat eman dugu eguzkitan, errekan ondotik, txoriak ere entzun ditugu. Bueltan, terraza batera hurbildu gara eta bertan pote goxo bat hartu dugu razio batekin batera.
Bazkaldu ostean maitasunezko pelikula bat ikusi dugu. Arratsaldean, Sagües aldera joan gara. Zurriolatik paseatu dugu eta Zuberoa plazako terraza batean eseri gara pote bat hartzera.
IGANDEA. Goizean gaur ere ondo deskantsatu ondoren, gosaldu, dotore ipini eta furgoneta hartu dugu Hernanira joateko, bertan antolatu duten Erdiaroko azoka ikustera. Kaleetatik barrena ibili gara, postutxoak ikusten; artisauak, janari postuak, etab. Oso polita iruditu zaigu. Bertako postutxo batean, ogia eta bazkal osteko postrea erosi dugu; txokolate eta laranja tarta zati bat, eta sagar tarta zati bat. Ondoren, terraza batean jarri gara eta pote bat hartu dugu. Plan ederra izan da!
Bazkaldu ostean, erositako postreak dastatu ditugu, eta oso onak! Arratsaldean, VillaMarin gelditu gara, merienda goxo bat hartu eta pelikula bat ikusi dugu.
.jpeg)
.jpeg)
.jpeg)
.jpeg)
.jpeg)
