Asteburu konpletoa izan dugu!
Ostiralean elkartu ginen talde- kideok. Eibarko giro aparta aprobetxatzeko, afal- aurretik, herritik paseo bat eman genuen berriketan eta zerbait hartzera eseri ginen terraza batean. Etxean afaldu eta pelikula bat ikusi ostean oheratu ginen.
Larunbat goiza argitsu eta eguzkitsua izan genuela aprobetxatuz, dutxatu, gosaldu eta prestatuta, furgoneta hartu eta Oñati alderantz egin genuen egun- pasa. Goizean Arantzazu bisitatu eta bertan itsuen- bidea egin genuen paseoan, udazkeneko hosto, kolore eta tenperatura ederrez disfrutatzen. Etxetik prestatutako hamaiketakoa bidean jan eta Arantzazu utzita, Araotz auzora hurbildu ginen. Bertako frontoi, bola- toki, ostatu, eliza eta parkea ezagututa, elkartean bazkaldu genuen etxetik eramandako bazkaria, zeinen ederki eta lasai egon ginen natura artean.
Arratsalderako, Eibarrera egin genuen buelta, pixka batean etxean deskantsatu eta pilak kargatu ondoren, berriz furgoneta hartu eta Elgoibarrera joan ginen iluntzea pasatzera. Magia eguna omen zela bertan eta txarangak lagunduta, herriko kaleetan barrena ibili ginen, dantza eta kantuan. Plazan Idoia Asurmendiren kontzertua zegoen gerora eta soinu- probak ere entzuten izan ginen, zeinen ongi abesten duen, han ibili ginen gustora bera entzuten afal- ordurarte.
Igandeko eguraldia tristeagoa bada ere, aterri eta tenperatura ona egin digu. Urkulurantz joan gara gaur, pantanoa ikusi eta bertan buelta bat ematera. Txoriak, ahateak...ikusi ditugu. Asteburu honetan Atseden VIlla Marin egin dutenekin geratu gara bertan, elkarrekin pasatzeko goiza. Asko disfrutatu dugu, jende berria ezagutu eta gustura egon gara. Hamaiketakoa jan dugu bertan guztiok eta bazkaltzera batzuek Donostiara eta guk Eibarrera egin dugu.
Arratsaldea ere ondo disfrutatuta geratu da. Zerbait hartzera irten baikara asteburua agurtzeko.
Ze asteburu polita izan dugun! hurren arte!!
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
